«Բարսելոնա»-ի նախկին գլխավոր մարզիչ Պեպ Գվարդիոլայի գործակալ Ֆրանսուա Գալյարդոն նշել է Պեպի՝ ակումբը լքելու իրական պատճառները:
«Գվարդիոլան Ռոսելին ներկայացրել էր 4 նախապայման, որոնց կատարման դեպքում նա կերկարաձգեր պայմանագիրը ակումբի հետ: Այդ նախապայմաններից էր 4 ֆուտբոլիստների՝ Ալվեսի, Պիկեի, Սեսկի ու Վիլյայի տրանսֆերները վաճառելը:
Նա կարծում էր, որ այդ խաղացողները բավականաչափ նվիրված չեն թիմին, իսկ Վիլյայի հետ չէր ուզում շարունակել աշխատանքը՝ մարզական պատճառներից ելնելով:
Գվարդիոլան շատ էր հիասթափված Սեսկի խաղից՝ հատկապես հաշվի առնելով այն, թե ինչքան էր ինքը ջանքեր գործադրել նրան ակումբ վերադարձնելու համար: Իսկ Ռոսելը հասկանում էր, որ այդ խաղացողները անձեռնմխելի են: Երկրպագուները չէին հասկանա այդ գործարքները»,- Գալյարդոյի խոսքերն է մեջբերում AS-ը:
