Յուրօրինակ Da Vinci Surgical System ռոբոտ-վիրաբույժը առաջին անգամ կիրառվել է սրտի վիրահատության համար: Վիրահատությունն իրականացվել է բրիտանական Վուլվեհեմփթոն քաղաքում, իր մեջ ներառում է մի շարք գործողություններ, այդ թվում՝ սրտամկանի մեջ հատուկ թիթեղի տեղադրումը:
Ամբողջ գործընթացը տևել է 9 ժամ, իսկ բոլոր անհրաժեշտ գործողությունների իրականացման համար Da Vinci-ից պահանջվել է ընդամենը մեկ՝ 3,5 սմ-անոց կտրվածք անել: Այս մասին հայտնում է Supreme2 պորտալը:
Da Vinci-ն ունիվերսալ ռոբոտ է, որը կիրառվում է տարբեր վիրահատական միջամտություների ժամանակ: Այն ունի չորս մանիպուլյատորներ, որոնք կիրառվում են վիրահատության ժամանակ:
Ռոբոտին ղեկավարում է համակարգիչը, որն ունի հատուկ ծրագիր՝ ցանկացած պահի այն ընդհատելու հնարավորությամբ: Եթե վիրահատության ընթացքում ի հայտ գան անկանխատեսելի հանգամանքներ, ապա «կենդանի» անձնակազմը կմիջամտի գործընթացին:
Կլինիկայի բժիշկները նշում են, որ հիվանդներն արդեն կարող են ընտրություն կատարել բժշկի և ռոբոտի միջև, չնայած ներկայում բազմաթիվ հիվանդներ վախենում են վիրահատական գործընթացին ռոբոտի միջամտությունից: Ապագայում այն կդառնա սովորական պրակտիկա:
