Սիրիայի նախագահ Բաշար Ասադի կառավարությունը ռուսական իշխանություներին հասկացնել է տվել, որ կընդունի զինադադարի առաջարկը, որն առաջ է քաշել Սիրիայի հարցերով ՄԱԿ-ի և ԱՊԼ հատուկ հանձնակատար Լահդար Բրահիմին: Այս մասին հայտարարել է ՄԱԿ-ում Ռուսաստանի մշտական ներկայացուցիչ Վիտալի Չուրկինը:
Ըստ նրա՝ զինադադարի մանրամասների մասին հայտարարվելու է հոկտեմբերի 25-ին:
«… Այս զինադադարը կախված է լինելու ներգրավված կողմերի բարի կամքից: Սակայն ես կարծում եմ, որ միջազգային հանրության հայացքներն ուղղված են լինելու Սիրիային, ուստի նա, ով կխախտի զինադադարը, համապատասխան գնահատականի կարժանանա միջազգային հանրության կողմից»,- ասել է Չուկինը:
Լահդար Բրահիմիի խոսքով՝ Սիրիայի իշխանությունները հայտարարել են, որ համաձայն են իսլամական տոնի` Կուրբան-Բայրամի ժամանակ զինադադար հաստատելուն:
