«Մանչեսթեր Սիթի»-ի գլխավոր մարզիչ Ռոբերտո Մանչինին հայտնել է Չեմպիոնների Լիգայի խմբային փուլի շրջանակներում կայանալիք «Այաքս»-ի դեմ խաղից իր ակնկալիքների մասին:
«Մենք խաղացել ենք «Ռեալ»-ի դեմ Մադրիդում: Հետո անհաջող խաղացինք «Բորուսիա»-ի դեմ: Սակայն Չեմպիոնների Լիգայում կարևոր է թույլ չտալ մրցակցին շատ գոլային պահեր ստեղծել: Մեր թիմն այնքան էլ փորձառու չէ եվրագավաթային խաղերում:
Կարևորն այն է, որ մենք բաց չթողնենք ընձեռված հնարավորությունը: «Այաքս»-ը հիանալի, երիտասարդ թիմ է: Չեմպիոնների Լիգայում հանդես եկող ցանկացած թիմի դեմ էլ բարդ է խաղալը: Պետք է շարունակենք մեր ուղին: Կհաղթենք, եթե խաղանք այնպես, ինչպես կարող ենք»,- մասնագետի խոսքերը մեջբերում են բրիտանացի լրագրողները:
