Ավտոլվացման ծառայություններ մատուցող գերմանական ընկերություններից մեկը հաճախորդներին գրավելու յուրօրինակ ձև է գտել. ընկերությունը հրատարակել է «ավտոօրացույց»՝ ավտոմեքենաներ լվացող մերկ աղջիկների լուսանկարներով։
Այս էրոտիկ օրացույցը ևս մեկ անգամ ապացուցեց, որ տղամարդկանց համար գոյություն ունի երկու կարևորագույն բան՝ ավտոմեքենաներ և աղջիկներ: Ավտոմեքենաներում նրանք խոսում են կանանց մասին, իսկ կանանց հետ` ավտոմեքենաների:
Այժմ յուրաքանչյուր ավտոարտադրող իր պարտքն է համարում Եվայի հագուստով գեղեցիկ աղջիկների լուսանկարներով օրացույց հրատարակելը:
Առաջին ընկերությունը, որն ավելի քան 50 տարի առաջ նման համարձակ քայլ է կատարել, Pirelli-ն է: Դա հանրությանն ապշեցրել էր: Օրացույցի պատմության 50 տարվա ընթացքում նրա էջերին հայտնվել են Սոֆի Լորենը, Սինդի Քրոուֆորդը, Նաոմի Քեմբլը, Ջեյ Լոն:
«Pirelli-2012» օրացույցի նկարահանումներն ընթացել են Կորսիկայում: Նկարահանման հարթակ են ծառայել լքված ֆերմաները, իսկ ամբողջ գործընթացը ղեկավարել է ամերիկացի լուսանկարիչ Մարիո Սորենթին:
Liqui Moly-ին ևս այս տարի հրատարակել է իր օրացույցը, ընդ որում՝ նրա լուսանկարներն այնքան անկեղծ են, որ մրցակիցներին դժվար կլինի հավասարվել: Նոր էրոտիկ օրացույցը կբաժանվի ընկերության գործընկերներին, հաճախորդներին, ինչպես նաև սահմանափակ քանակով վաճառքի կհանվի համացանցում:
