Դյաոյույդաո կղզիների պատկանելության հարցը չպետք է քննարկվի այն երկրների կողմից, որոնք կապ չունեն այդ հակամարտության հետ: Այս մասին հայտարարել է Չինաստանի ԱԳՆ-ի պաշտոնական ներկայացուցիչ Խուն Լեյը՝ մեկնաբանելով Պանամայի նախագահի հայտարարությունը, որով նա պաշտպանել է Չինաստանի հետ տարածքային վեճում Ճապոնիայի դիրքորոշումը:
«Մենք կոչ ենք անում այդ երկրներին զերծ մնալ հակամարտությանը ցանկացած միջամտություն ցուցաբերելուց և վնաս չհասցնել Չինաստանի շահերին»,- ասել է Խուն Լեյը:
Չինաստանի ներկայացուցիչը քննադատել է «կղզային» վեճին երրորդ երկրների ներգրավելու` Ճապոնիայի ջանքերը: «Դյաոյույդաո և հարակից կղզիները հանդիսանում են Չինաստանի տարածք: Դրա համար կան ինչպես պատմական, այնպես էլ իրավական հիմքեր»,- ասել է Չինաստանի ԱԳՆ ներկայացուցիչը:
