Грузия Online-ի փոխանցմամբ՝ Բիձինա Իվանիշվիլիի ապագա կառավարությունում ի հայտ է գալու նոր պետնախարար: Այսօր խորհրդարանի հաստատմանն է ներկայացվել Վրաստանի զբաղվածության հարցերով նախարարի պաշտոնում Կախա Սականդելիձեի թեկնածությունը:
Սականդելիձեն այդ պաշտոնում լինելու է ժամանակավոր, քանի որ նախարարների կաբինետի վերափոխումից հետո նա զբաղեցնելու է առողջապահության, սոցիալական պաշտպանության ու աշխատանքի հարցերով նախարարի առաջին տեղակալի պաշտոնը: Նշվում է, որ հետագա կրճատման տակ է ընկնելու նաև տարածաշրջանային ղեկավարման ու ենթակառույցների նախարարությունը:
