Որպես կանոն՝ մեդուզաները բազմանալուց հետո սատկում են: Բայց տաք օվկիանոսյան ջրերում հայտնաբերվել է Turritopsis nutricula անվանումով մեդուզա, որն ի վիճակի է ինքն իրեն երիտասարդացնել: Մեդուզան, որը 4-5 մմ է, կարողանում է մեծ, հասուն վիճակից անցնել մանկական վիճակի` պոլիպի տեսքի:
Գիտնականները կարծում են Turritopsis nutricula մեդուզան կամ նրա նմանները կարող են ապրել արևադարձներում և այլ շրջաններում: Նախնական տվյալներով՝ նրանց դասում են անմահ էակների շարքին:
Գիտնականները բավականին երկար ժամանակ է հետազոտում են մեդուզաների և հիդրաների ծերացման գործընթացը` փորձելով բացահայտել անմահության գաղտնիքները: Հիդրաների անմահության տեսակետը կար արդեն 19-րդ դարում: 100 տարի անց այդ տեսակետը ապացուցվեց` հիմնավորելով, որ հիդրաները և մեդուզաները ծերանալով չեն սատկում:
Կենսաբանները նաև իմացել են «անմահ բջիջների մասին», որոնք բարենպաստ պայմանների առկայության դեպքում անընդհատ բազմանում են: Այդ բջիջերից մեկին սկսեցին անվանել ցողունային:
