Այս րոպեներին Բեյրութում փողոցային անակարգություններ են տեղի ունենում, որի մասնակիցները պահանջում են կառավարության հրաժարականը: Լիբանանից ուղիղ միացում է վարում ամերիկյան CNN հեռուստաալիքը:
Այսօր ավելի վաղ հազարավոր մարդիկ էին հավաքվել Բեյրութի կենտրոնում Լիբանանի անվտանգության ծառայությունների բարձրաստիճան պաշտոնյա Վիսամ ալ-Հասանի թաղմանը, ով սպանվել էր երկու օր առաջ պայթյունից:
Թաղման արարողության ժամանակ ուժեղացվել էր հսկողությունը Լիբանանի մայրաքաղաքում: Ոստիկանների հետ փողոցները զինծառայողներ են հսկել: Մտավախություն է եղել, որ թաղումը կվերածվի մեծ ընդդիմադիր ցույցի
այն բանից հետո, երբ ակտիվիստների ղեկավար, սուննիների ներկայացուցիչ Սաադ Հարիրին Սիրիայի կառավարությանը մեղադրել էր պայթյունին մասնակցելու համար:
Հարիրին նաև հանդես է եկել Լիբանանի կառավարության հրաժարականի օգտին, որին աջակցում է շիաների «Հըզբոլլահ» խմբավորումը:
Ահաբեկիչների ձեռքով սպանված Վիսամ ալ-Հասանը ղեկավարել է 2005-ին սպանված Ռաֆիկ Հարիրիի գործը: Հետաքննությունը քննարկում էր նաև սպանությանը Սիրիայի հատուկ ծառայությունների մասնակցության հնարավորությունը:
