Պանամայի խոշորագույն քաղաքի բնակիչները դուրս են եկել փողոցներ` բողոքարկելու ընդդեմ նոր օրենքի, որը թույլ է տալիս վաճառել քաղաքային հողերը մասնավոր օգտագործման համար: Ցույցը վերածվել է զանգվածային անկարգությունների և ոստիկանության հետ բախումների, գրում է Reuters-ը:
Ոստիկանության հետ բախման հետևանքով տուժել է առնվազն 13 մարդ: Իշխանությունների կողմից կիրառված ցույցը ցրելու միջոցառումների զոհ է դարձել մի երեխա: Երբ ոստիկանությունը ցուցարարների դեմ կիրառել է արցունքաբեր գազ և զենք, փամփուշտներից մեկը դիպել է 9-ամյա մի տղայի: Վիրավորված երեխային տեղափոխել են հիվանդանոց, սակայն նրա կյանքը փրկել չի հաջողվել: Դեռևս հայտնի չէ, թե որտեղ է տեղի ունեցել ողբերգությունը: Մեքսիկական ԶԼՄ-ների տեղեկատվության համաձայն` տղան սպանվել է Պանամայի մայրաքաղաքում:
Բողոքի ակցիաներն ուղեկցվել են հարձակումներով և թալանով:
Հողերը, որոնք ցանկանում է վաճառել Պանամայի կառավարությունը, գտնվում են Պանամայի ջրանցքի մաքսազերծ առևտրային գոտում: Ինչպես նշում է BBC-ին, այստեղ տեղակայված է ավելի քան երկու հազար ընկերություն:
