Երևանի գեղարվեստի ակադեմիայում կաշառակերության փաստի վերաբերյալ հարուցված քրեական գործի նախաքննությունը մոտեցել է ավարտին, և առաջիկա օրերին կհայտարարվի դրա մասին, «Հրապարակ»-ը տեղեկացավ ոստիկանության լրատվականից:
Հիշեցնենք, որ գործը հարուցվել էր երկու հոդվածով` 311 (կաշառք ստանալ) և 313 (կաշառքի միջնորդություն): Գործում ներքաշված էին ակադեմիայի պրոռեկտոր Սվետլանա Գևորգյանը և դեկաններից մեկը: Թերթին հաջողվեց պարզել, որ նախաքննության ընթացքում 5 հոգու մեղադրանք է առաջադրվել, և մեկը` համակարգչային գեղարվեստական նախագծման և դեկորատիվ-կիրառական արվեստի ամբիոնի վարիչ Հայկ Փայասլյանը, կալանավորված է: Գործը Քննչական գլխավոր վարչության վարույթում է:
