Յուրօրինակ Nissan DeltaWing մարզական մեքենան, որը երկու օր առաջ էր Ավտոսպորտի միջազգային ասոցացիայի կողմից թույլտվություն ստացել ամերիկյան Petit Le Man ամենամյա 15-րդ մրցարշավի մասնակցության համար, առաջին իսկ փորձի ժամանակ վթարի է ենթարկվել: Ղեկին եղել է Գունար Ժանետը:
Դեպքը տեղի է ունեցել ամերիկյան Ջորջիա նահանգի Ռոուդ Ատլանտա մայրուղու վրա, երբ այն փորձում էր առաջ անցնել Porsche GTC-ից:
Շրջվելուց հետո մեքենան կանգնեցրել են անիվների վրա, սակայն այն արդեն շարժվել չի կարողացել: 30-ամյա վարորդը բարեբախտաբար չի տուժել: Մեքենան վերականգնելու համար բոլոր անհրաժեշտ պահեստամասերը կան: Նախատեսվում է այն վերականգնել մինչ վաղը կայանալիք 24-ժամյա մրցավազքը:
DeltaWing-ը գերձայնային ինքնաթիռի և մեքենայի հիբրիդն է: Այն նման է Բեթմենի մեքենային, այդ իսկ պատճառով անվանվում «բեթմոբիլ»: Դիզայները Բեն Բոուլբին է:
