Այսօր ԱԺ պատգամավորներ, ՀՀԿ-ական Համլետ Հարությունյանը և «Ժառանգություն»-ից Ստեփան Սաֆարյանը լրագրողների հետ հանդիպման ժամանակ անդրադարձան մարտի 3-ին Կառավարության շենքի առջև տեղի ունեցած միջադեպին: Համլետ Հարությունյանի գնահատմամբ, մարտի 3-ին Կառավարության շենքի դիմաց կատարվածը «շատ տհաճ երևույթ է, և հնարավոր է, այն երկկողմ ագրեսիայի արդյունք է:
Ստեփան Սաֆարյանի համոզմամբ, սակայն, ոստիկանության շարունակական ագրեսիայի հիմքը անցյալ տարի ապրիլի 10-ին ոստիկանապետ Ալիկ Սարգսյանի արած հայտարարությունն է այն մասին, որ Հայաստանում հեղափոխություն իրականացնելու ցանկացած փորձ կխեղդվի հենց օրորոցում: «Այս սպառնալից հայտարարությունը հակասում է ոստիկանության մասին օրենքին: Մարտի 3-ը չէր լինի, եթե պատժվեին փետրվարի 28-ին քաղաքապետարանի մոտ կանանց հանդեպ բռնություն իրականացրած ոստիկանները, ովքեր գետնին պառկեցրին 30 կանանց և արմունկներով հարվածում էին»,- ասաց Ստեփան Սաֆարյանը:
ՀՀԿ-ական պատգամավորը խուսափեց մեկնաբանություններ անուց՝ ասելով, որ ինքը չի տիրապետում իրավիճակին, և այդ հարցով արժե դիմել ոստիկաններին, մասնավորապես՝Ռոբերտ Մելքոնյանին:
