Երեկ Ադրբեջանի նախագահի աշխատակազմի արտաքին հարաբերությունների բաժնի ղեկավար Նովրուզ Մամեդովը հայտարարեց, որ Հայաստանի դիրքորշումը դրականորեն փոխվել է։ Այսօր ԱԺ ՀՀԿ-ական պատգամավոր Հովհաննես Սահակյանից փորձեցինք ճշտել, թե ո՞ր մասով է փոխվել։ Ի պատասխան՝ նա արձագանքեց.
«Տպավորություն է ստեղծվում, որ Ադրբեջանը իր ներքին լարվածությունը մեղմելու համար դժգոհությունների վեկտորը ուղղում է դեպի Հայաստան։
Եթե քաղաքականության և ժուռնալիստիկայի մեջ կան մարդիկ, ովքեր հետաքրքրված են, և ամեն օր հետևում են զարգացումներին, ապա կտեսնեն, որ Հայաստանի դիրքորշումը չի փոխվել, իսկ Սոչիում կայացած հանդիպման ընթացքում, երբ գերիների արագ վերադարձման հարցը բարձրացվեց Մինսկի խմբի համնախագաները ֆորմատով, մենք առաջին քայլը արեցինք, և արդեն 3 տարի է, ինչ մենք ենք քայլ անում։
Մենք ենք մշտապես ասում, որ ԼՂ հակամարտության կարգավորումը տեսնում ենք խնդրի խաղաղ կարգավորման ճանապարհով։ Բայց եթե մեզ դրդեն, սադրեն, մենք չենք վախենում և պատրաստ ենք մեր հայրենիքը պաշտպանել։ Իսկ մնացած վերլուծությունները դուք արեք»։