Գերմանացի բժիշկները Ուկրաինայի նախկին վարչապետ Յուլյա Տիմոշենկոյի ուղեղի տոմոգրաֆիա են անցկացրել: Բժշկագիտական եզրակացության համաձայն՝ Տիմոշենկոն մշտական սթրեսի մեջ է դատական վճռի հանդեպ վախի պատճառով:
Բեռլինի Charite հիվանդանոցի բժիշկ Կարլ-Մաքս Այնհոյփլը հայտնել է, որ նախկին վարչապետի ախտանիշը տրվել է օբեյկտիվ հետազոտությունների տվյալների հիման վրա:
«Առաջին հերթին, սթրեսը պայմանավորված է նրանով, որ պացիենտը մշտապես հետագա գործընթացներում ներգրավվելու դիմաց վախ է զգում, որ իր դեմ ինչ-որ նոր մեղադրանքներ կառաջադրվեն: Եվ սթրեսը պայմանավորված է նրանով, որ մամուլում այնպիսի տեղեկություններ են հայտնվում պացիենտի մասին, որ մենք թույլ չէինք տա»,- ասել է բժիշկը, որի խոսքերը մեջբերում է Rosbalt գործակալությունը:
Նա ավելացրել է, որ նախկին վարչապետի մոտ «օրգանական հիվանդություն» կա, սակայն չի նշել, թե կոնկրետ ինչի մասին է խոսքը:
Բժշկի խոսքերով՝ բանտարկյալի հետ անձնական հանդիպումները կարող են դրականորեն անդրադառնալ նրա առողջության վրա:
Հիշեցնենք. Յուլյա Տիմոշենկոն դատապարվել է 7 տարվա ազատազրկման Ռուսատսանի հետ գազի պայմանագիր ստորագրելիս թույլ տված լիազորությունների չարաշահման պատճառով:
