Kommersant հրատարակության ձեռքի տակ հայնված տվյալներով` Թուրքիայի կողմից իջեցված սիրիական օդանավը տեղափոխելիս է եղել Հակաօդային պաշտպանության համակարգերի ռադիոտեղակայման կայանների տեխնիկական տարրեր: Ապարատները, որոնք առգրավվել են հոկտմբերի 11-ին Անկարայի կողմից, միջազգային չափորոշիչներով չեն կարող հավասարեցվել զենքի:
Թերթի աղբյուրը փոխադրվող տեխնիկան համեմատել է անջատված ռադիոընդունիչի հետ: Նման բեռը, փորձագետի վկայությամբ` հատուկ ձևակերպում չի պահանջում, քանի որ մարդկանց համար վտանգ չի ներկայացնում:
ՌԴ պաշտոնատար անձինք հերքել են Մոսկվայից Դամասկոս թռչող սիրական օդանավում նման որևէ բան փոխադրելու փաստը: Рособоронэкспорт-ի ղեկավար Վյաչեսլավ Դավիդենկոն այդ վկայություններն անվանել է իրականությանը չհամապատասխանող:
Коммерсант-ի տվյալներով` ՌԴ իշխանություններն անհանգստացած են պաշտպանական բեռի փոխադրման վերաբերյալ տեղեկության արտահոսքի փաստով: Մոտ ժամանակներս Անվտանգության դաշնային ծառայությունը մտադիր է այդ առնչությամբ հետաքննություն անցկացնել: Իրավապահները վստահ են, որ Թուրքիան նման ռիսկի չէր դիմի և օդանավը չէր կանգնեցնի, եթե հստակ չիմանար, թե ինչ կա նրան մեջ:
Հոկտեմբերի 10-ին Syrian Air ընկերության օդանավը ստիպված է եղել վայրէջք կատարել: Որոշ ժամանակ հետո Թուրքիայի վարչապետ Ռեջեփ Թայիփ Էրդողանը հայտարարել էր, որ օդանավում հայտանբերվել և առգրավվել են ռուսական ռազմական սարքավորումներ:
Դամասկոսն, իր հերթին, Անկարային մեղադրել է ստի մեջ: Սիրիայի ԱԳՆ փոխանցմամբ` բեռի փոխադրումը չի խախտել և ոչ մի միջազգային պայմանագիր: Նախագահ Բաշար Ասադի շրջապատը պահանջում է ամբողջ աշխարհին ի ցույց դնել արգելված սարքավորումը:
