Թուրքմենստանում ձերբակալվել է երկրի մշակույթի ու սպորտի նախկին նախարարը: 59-ամյա Գելդիմուրատ Նուրմուհամեդովին ուղարկել են նարկոլոգիական դիսպանսեր՝ թմրակախվածությունից հարկադիր բուժման:
Հարկադիր բուժման կուրսը տևելու է կես տարի: Հրատարակությունը պնդում է, թե ոչ մի տեղեկություն չկա, որ Նուրմուհամեդովը թմրանյութ է օգտագործել»:
ԶԼՄ-ները նախկին նախարարի ձերբակալությունը ու նրան հարկադիր բուժման ուղարկելը կապում են այն հանգամանքի հետ, որ նա ավելի վաղ քննադատորեն էր արտահայտվել երկրում քաղաքական իրավիճակի մասին:
Նշվում է, որ խոսքը նրա՝ 2011թ. դեկտեմբերին՝ մինչ նախագահական ընտրություններն արված հայտարարությունների մասին է: Այն ժամանակ նա «Ազատություն» ռադիոկայանի հետ զրույցում դժգոհություն էր հայտնել, որ Թուրքմենստանում գոյություն ունի միայն մեկ կուսակցություն՝ Դեմոկրատական կուսակցությունը, որը ղեկավարում է երկրի նախագահը:
Մամուլի տեղեկություններով՝ նրա հայտարարությունից հետո Նուրմուհամեդովին կանչել են հարցաքննության, իսկ նրա ընտանիքին պատկանող շինարարական ընկերությունը փակվել էր «իբր օրենքի խախտման համար»: