Նյու Յորքի Պոլիտեխնիկական ինստիտուտում իրականացվել է հետաքրքիր հայտնագործություն՝ նանոտեխնոլոգիաների շարքից: Մասնագետներին հաջողվել է մշակել թղթի հատուկ տեսակ՝ նանոկոմպոզիտային հիմքի վրա, որն ընդունակ է էլեկտրաէներգիա կուտակել: Այս մասին հաղորդում է Rosbalt.ru-ն:
Նման թղթի համար որպես հիմք հանդիսանում է սովորական ցելյուլոզան, որը պարունակում է ածխածնային նանոխողովակներ, որոնք ծառայում են որպես էլեկտրոդներ: Բացի այդ, կիրառվում է նաև աղային լուծույթով հագեցած նյութ, որը հանդես է գալիս էլեկտրոլիտի դերով:
Նոր մարտկոցը լիցքավորելու համար անհրաժեշտ է այն միացնել էլեկտրական հոսանքի աղբյուրին, որից հետո այն կդառնա էներգիայի աղբյուր: Թղթե մարտկոցներն ավելի թեթև են և տնտեսող: Միանգամայն հնարավոր է, որ շուտով դրանք հայտնվեն հեռախոսներում, ավտոմեքենաներում և այլն:
