Դոնեցկի «Շախտյոր»-ի և Հայաստանի ազգային հավաքականի կիսապաշտպան Հենրիխ Մխիթարյանը հայտնել է, որ բավարարված չէ Թուրինի «Յուվենթուս»-ի հետ հանդիպմանը գրանցված ոչ-ոքի արդյունքից:
«Չեմ կարծում, թե ոչ-ոքին կարելի է որպես հաղթանակ որակավորել: Մեզ բազմաթիվ պահեր ընձեռվեցին, որոնք արդյունավետ իրագործելու դեպքում մենք կարող էինք հաղթանակ գրանցել: Բայց նշեմ, որ «Շախտյոր»-ի յուրաքանչյուր ֆուտբոլիստ ջանք չէր խնայում հաղթանակի հասնելու համար, և մարզիչը գոհ է դրա համար: Պարզապես չէի ասի, թե բավարարված ենք հանդիպման արդյունքով:
Սա ֆուտբոլ է, և իտալացիները մեզ չեն զարմացրել ոչնչով: Կարծում եմ, որ մենք ավելի լավ էինք խաղում: Տեսնենք, ինչպես կծավալվեն իրադարձությունները պատասխան հանդիպման ընթացքում»,- Մխիթարյանին մեջբերում է «Շախտյոր»-ի պաշտոնական կայքը:
