Երկու բրիտանացի ընկերներ ստիպված են եղել մեկընդմիշտ լքել ռեստորանն այն բանից հետո, երբ նրանք 2 տարվա ընթացքում չարաշահել են հաստատության «Կեր, որքան կարող ես» առաջարկը: Այս մասին հայտնում է The Daily Telegraph-ը:
Զավեշտալի դեպքը տեղի է ունեցել անգլիական Բրայթոն քաղաքում: Ռեգբիի նախկին խաղացող Ջորջ Դալմոնն ու նրա ընկեր Էնդի Մայլսը, ուղևորվելով մոնղոլական Gobi ռեստորան, որոշել են հերթական անգամ օգտվել հաստատության հատուկ առաջարկից՝ 12 ֆունտի դիմաց ուտելով այնքան, որքան կարող են: Նրանք երբևէ սպասարկման համար չեն վճարել:
Բիզնեսը բարեգործության հետ շփոթած տղամադկանց ռեստորանի ղեկավարությունն այլևս չի կարողացել հանդուրժել: Ընկերները գանգատվել են՝ ասելով, որ չափաբաժինները փոքր են, և որ դա է հավելյալ սնունդ պահանջելու պատճառը: Նրանց խոսքով՝ հաստատության սեփականատերը մոտեցել է իրենց, խոզ անվանել և հայտնել ընկերներին ռեստորան մուտքի իրավունքից ցմահ զրկելու մասին:
