«Առաջին լրատավականը» տեղեկացրել էր, որ Վենեսուելայի նախագահ Ուգո Չավեսը դիմել էր Լիբիայի ղեկավարին և արաբական աշխարհին` ներլիբիական հակամարտությունում միջնորդի դեր ստանձնելու առաջարկով: Արաբականա երկրների լիգա կազմակերպությունը, ինչպես նաև անձամբ Մուամար Քադաֆին համաձայնել էին ընդունել այդ առաջարկը:
Սակայն այն լուրջ քննադատության է արժանացել մի շարք արևմտյան երկրների, ինչպես նաև Վենեսուելայի ընդդիմության կողմից: ԱՄՆ-ն մերժել է այդպիսի հնարավորությունը` վերահաստատելով Միացյալ Նահանգների դիրքորոշումը` Քադաֆին այլևս իրավունք չունի մնալու Լիբիայի ղեկավար և պետք է հեռանա: Այս մասին հայտարարել է Սպիտակ տան խոսնակը: Նա նաև հավելել է, որ անհրաժեշտություն չկա ստեղծելու միջազգային հանձնաժողով, որպեսզի «գնդապետին (Քադաֆիին.– 1in.am) ասվի, թե նա ինչ պետք է անի իր երկրի և ժողովրդի բարօրության համար»: Ֆրանսիայի արտգործնախարարությունում էլ նշել են, որ անհրաժեշտություն չկա դիմել այնպիսի քայլերի, որոնք Մուամար Քադաֆիին կօգնեն հասնել իր նպատակին: Այս մասին հաղորդում է Associated Press գործակալությունը:
Վենեսուելայի ընդդիմությունն էլ զերծ չի մնացել Ուգո Չավեսի առաջարկը քննարկելուց` հայտնելով, որ այս նախաձեռնությունը միայն կվնասի երկրի վարկին միջազգային հանրության աչքերում: