ՍԴՀԿ ատենապետ Լյուդմիլա Սարգսյանը «Առաջին լրատվականի» հետ զրույցում անդրադարձավ ՀՅԴ-ի կողմից գազի սակագների և գազամատակարարման ոլորտի խնդրիների վերաբերյալ ԱԺ ժամանակավոր հանձնաժողով ստեղծելու առաջարկին։
«Վահան Հովհաննիսյանը որպես վերջին նորություն է խոսում գազի սակագների մասին։ Ես դեմ չեմ, որ նրանք անդրադառնան այդ խնդրին։ Բայց զարմացած եմ, որ ՀՅԴ-ն մոռացավ նշել, թե ինչպես Հայ ազգային կոնգրեսն ավելի քան մեկ ու կես տարի առաջ ստորագրահավաք սկսեց ու կոլեկտիվ հայցով դատարան դիմեց գազի սակագների վերանայման պահանջով»,- նշեց տիկին Սարգսյանը։
Ըստ նրա` եթե քաղաքական դաշտում քիչ թե շատ բարոյականություն կա, ապա պետք է հիշել ու հաշվի առնել, թե այդ թեման ով է առաջինը բարձրաձայնել և այդ ուղղությամբ կոնկրետ քայլեր արել։
