Հյոգոյում գտնվող ճապոնական քիմիական գործարանի հրդեհը կարող է հանգեցնել մանկական տակդիրների մատակարարման դադարեցմանը:
Nippon Shokubai ընկերությունը, որին պատկանում է հրդեհված գործարանը, աշխարհում ապահովում է գերներծծող պոլիմերների մատակարարման 20 տոկոսը: Գործարանը զբաղվում է նաև մանկական տակդիրների արտադրությամբ:
Հրդեհի հետևանքով զոհվել է մեկ հրշեջ, ևս 35 մարդ վնասվածք է ստացել:
Պայթյունը տեղի է ունեցել ակրիլաթթվի տարայի հատվածում:
Հրդեհից լրջորեն վնասված գործարանը տարեկան արտադրում էր 320 000 տոննա պոլիմեր:
Nippon Shokubai-ի ներկայացուցչի խոսքով` գերներծծող պոլիմերների պահանջարկն աշխարհում այնքան մեծ է, որ գործարանն աշխատում էր ուժերի գերլարումով, և ընկերությունը քննարկում էր նույնիսկ այլ երկրներում,մասնավորապես` Չինաստանում, նոր գործարանի բացման հնարավորությունը:
Հրդեհի պատճառները դեռևս պարզված չեն:
