ՄԱԿ ԱԽ-ի անկարողությունը` մեկուկես տարվա ընթացքում առաջընթաց գրանցել սիրիական հակամարտության լուծման գործում, վկայում է այն մասին, որ կազմակերպությունը բարեփոխումների կարիք ունի: Առաջին հերթին բարեփոխումներն անհրաժեշտ են երեք կարևորագույն հարցերում, որոնք խոչընդոտում են հակամարտության լուծմանը: Այս մասին հայտարարել է Իսլանդիայի արտգործնախարար Էսուր Սքարպհեդինսոնը` ելույթ ունենալով ՄԱԿ-ի Գլխավոր ասամբլեայի 67-րդ նստաշրջանի ժամանակ:
«Իրականությունն այն է, որ ԱԽ-ն դարձել է խոչընդոտ իրադրությունը լուծելու միջազգային ջանքերի ճանապարհին»,- հայտարարել է նախարարը:
Նա նաև բողոքարկել է այն օրենքը, ըստ որի` մեկ մշտական անդամի ձայնը կարող է արգելափակել 14 այլ մասնակիցների միասնական որոշումը:
«Միջազգային հանրությունը պետք է միավորվի, որպեսզի վերջ տա բռնությանը և ամրապնդի քաղաքական ու խաղաղ կարգավորման որոնումները` ելնելով սիրիական ժողովրդի շահերից»,-ընդգծել է նա:
Վերջինս գտնում է, որ բոլոր մեղավորները պետք է կանգնեն արդարադատության առջև: Դրա հետ մեկտեղ, նրա կարծիքով` գլխավոր պատասխանատուն Բաշար Ասադի կառավարությունն է:
