«Սևիլիա»-ի գլխավոր մարզիչ Խոսե Միչելը հայտարարել է, որ Իսպանիայի առաջնության 6-րդ տուրի՝ «Բարսելոնա»-ի դեմ հանդիպումը շատ բարդ է լինելու իր թիմի համար: Այս մասին տեղեկացնում է իսպանական մամուլը:
«Չի բացառվում, որ մենք հաղթանակ տանենք «Բարսելոնա»-ի դեմ խաղում: Դրան հասնելու համար մենք պետք է գերազանց խաղանք: Ես և իմ ֆուտբոլիստները համոզված ենք, որ մեր ակումբը կարող է հաղթել ցանկացած մրցակցի: Այնուամեյանիվ, պետք է նշեմ, որ «Բարսելոնա»-ի դեմ հարկավոր է ավելի լավ խաղ ցուցադրել, քան «Ռեալ Մադրիդ»-ի դեմ: Միգուցե այդ թիմերը ներկայումս չեն գտնվում լավագույն մարզավիճակում: Սակայն մենք լավ մարզավիճակում ենք ու ուզում ենք նույն ոգով առաջ ընթանալ»,- ասել է Միչելը:
