ԱՄՆ-ը շահագրգռված է հակաիրանական քաղաքականություն վարելու հարցում համագործակցել Հայաստանի հետ: Այս մասին գրել է Թրումանի ազգային անվտանգության նախագծի վերլուծաբան (ԱՄՆ) Դենիել Գեյնորը:
Իր հոդվածում Գեյնորը փոձում է պատասխանել հարցին, թե ինչու է ԱՄՆ-ն այսքան մեծ նշանակություն տալիս Հայաստանի հետ համագործակցությանը:
«Ամենալավ բացատրությունը դիրքն է: Հայստանը, որը դեպի ծով ելք չունի և ունի երեքմիլիոնանոց բնակչություն, տեղակայված է, հնարավոր է, աշխարհի ամենաբուռն տարածաշրջանում:
Սակայն ԱՄՆ-ի տեսանկյունից սա ԱՄՆ-ի դաշնակցի համար ամենահարմար դիրքն է, որպեսզի իրականացվի Օբամայի արտաքին քաղաքականությունը: Հայաստանը սահմանկից է Թուրքիային, Ադրբեջանին, Վրաստանին և Իրանին: Հայաստանը նախկինում առևտրի և ռազմական աջակցության ոլորտում հենվում էր Ռուսաստանի վրա: Հայաստանը գտնվում է ԱՄՆ-ի ուշադրության կենտրոնում՝ որպես Ամերիկայի նպատակների իրականացման պոտենցիալ հզոր լծակ»,- կարծում է հեղինակը:
Նրա խոսքով` ԱՄՆ-ն ձգտում է նրան, որ Հայաստանն ավելի ամուր դաշնակից դառնա տարածաշրջանում: «Քանի որ նախագահ Օբաման պատրաստվում է տնտեսապես մեկուսացնել Իրանին, պատժամիջոցներն ուղղված են իրանական արժույթը երկու անգամ արժեզրկելուն: Նա նաև փորձում է մեկուսացնել վարչակարգը տարածաշրջանային ճանապարհներով: Հայաստանն այս մարտավարությունում կենտրոնական դեր ունի»,- մեջբերում է նրա խոսքը NovostiNK.ru-ն:
Վերլուծաբանը նշել է, որ ԱՄն-ի հետ համագործակցությունը կհեռացնի այն փոքրաթիվ բարեկամներին, որ Հայստանն ունի Հարավային Կովկասում: «Հայաստանը ռազմական գործակցություն է ցանկանում Ռուսաստանի հետ, սակայն միևնույն ժամանակ` տնտեսական մուտք ունի արևմուտք: Ներկայումս Հայաստանը երկու լավ բարեկամ ունի` Ռուսաստանն ու Իրանը, որոնք երկուսն էլ ԱՄՆ-ի հակառակորդներն են: Նրանց հետ դաշնակցությունը չի բացատրվում գաղափարախոսական ընդհանրությամբ, Հայաստանը պարզապես ընտրություն չունի»:
Ըստ վերլուծաբանների` Ադրբեջանը Հայաստանի հետ պատերազմի շեմին է: Անկարան Բաքվի հետ բանակցությունների ընթացքում որերորդ անգամ հիշեցրել է Ղարաբաղից հայկական զորքերը հանելու անհրաժեշտության մասին:
