Грузия Online-ի փոխանցմամբ՝ ռուս անկախ լրագրող Վլադիմիր Իվանիձեն հայտարարել է, որ ընդդիմադիր միլիարդատեր, «Վրացական երազանք» կոալիցիայի առաջնորդ Բիձինա Իվանիշվիլին ինչ-որ չափով ֆինանսավորել է 2008 թվականի ռուս-վրացական պատերազմը.
«2008 թվականի ռուս-վրացական պատերազմի ժամանակ Բիձինա Իվանիշվիլիին (ցայժմ) պատկանող «Ռուսական կրեդիտ» բանկը շարունակել է աշխատել ռուսական ձեռնարկությունների հետ, որոնք արտադրում էին փոքր ու միջին սպառազինություն և զբաղված էին ռազմածովային նավատորմի և ավիացիայի սպառազինմամբ:
Այդ բանկը ծառայել է որպես հենակետ. նրա միջոցով են իրականացվել պայմանագրերը, և նա է սպասարկել այդ ձեռնարկություններին: Այդպիսով` Բիձինա Իվանիշվիլին ինչ-որ չափով ֆինանսավորել է Վրաստանի դեմ պատերազմը: Ես չեմ կարող հստակ ասել` արդյոք նա ֆինանսավորե՞լ է այդ պատերազմը, թե՞ ոչ, փոխարենը կարող եմ ասել, որ նա ֆինանսավորել կամ մասնակցել է այն ձեռնարկությունների ֆինանսավորմանը, որոնք զբաղված էին Վրաստանի վրա կրակող զենքի արտադրությամբ»:
