Թուրքական Radikal թերթի փոխանցմամբ՝ թուրքական հետախուզության տվյալներով՝ Ղանդիլի լեռներում գտնվող Քրդստանի աշխատավորական կուսակցության (PKK) ղեկավարությունը պլանավորել է ձմռանը ակտիվ գործողություններ իրականացնել Թուրքիայի տարածքում:
Ներկայումս նա հստակեցնում է, թե որտեղ և ինչպես է հասցնելու իր հարվածները Թուրքիայի արևելյան և հարավարևելյան շրջաններում: Թուրքական հետախուզության տվյալներով՝ PKK-ի ղեկավարությունը շեշտը դնելու է Հաքքարի, Շըրնաք և Դիարբեքիր նահանգների վրա:
Թուրքական հետախուզությանը հաջողվել է պարզել, որ PKK-ի զինյալները հարձակումներ են իրագործելու դատական, հարկահավաք և պետական այլ հիմնարկների աշխատակիցների վրա, ինչի նախանշաններն արդեն իսկ տեսանելի են, երբ քուրդ զինյալները Թունջելիի նահանգի Օվաջըք շրջանում մահափորձ ձեռնարկեցին հանրապետական դատախազ Մուրաթ Ուզունի նկատմամբ:
Հետախուզական տվյալների համաձայն, PKK-ի զինյալները պլանավորել են հարձակումներ գործելու նաև Իրանի սահմանին ընկած թուրքական պահակակետերի վրա:
