2013 թվականին ԵԱՀԿ-ի ուկրաինական նախագահության ժամանակ մեծ ուշադրություն կդարձվի հակամարտությունների վաղ ահազանգման և ձգվող հակամարտությունների կարգավորման գործում արդյունավետությունը բարձրացնելուն:
Այս մասին սեպտեմբերի 26-ին ՄԱԿ գլխավոր ասամբլեայի 67-րդ նիստի ընթացքում իր ելույթի ժամանակ ասել է Ուկրաինայի նախագահ Վիկտոր Յանուկովիչը, հաղորդում է ՄԱԿ մամլո ծառայությունը:
«ԵԱՀԿ-ում մեր նախագահության ժամանակ մենք վճռականորեն տրամադրված ենք ներդնել բոլոր ջանքերը տարածաշրջանում անվտանգության և կազմակերպության մասնակից-պետություններում ժողովրդավարական ինստիտուտների ամրապնդմանը»,- հայտարարել է նա:
Ինչպես ընդգծել է Յանուկովիչը, ԵԱՀԿ-ում ուկրաինական նախագահության ժամանակ հատուկ ուշադրություն կդարձվի «Լեռնային Ղարաբաղի հակամարտության բանակցային գործընթացի, ինչպես նաև Կովկասում կայունության և անվտանգության հարցերում Ժնևյան երկխոսություններին»:
Իր ելույթում Ուկրաինայի նախագահը նաև անհանգստություն է հայտնել Սիրիայում ստեղծված իրավիճակի առնչությամբ, փոխանցում է Regnum-ը:
