Սերբիայում ռազմական ինքնաթիռն ընկել է բնակելի թաղամասի վրա

Սերբիայի հյուսիսում այսօր ռազմական ինքնաթիռի ավիավթարի հետևանքով զոհվել է օդաչուն, իսկ նրա օգնականն ստացել է վնասվածքներ: Այս մասին հայտնում է «Ազատություն» ռադիոկայանը:

Սերբիայի պաշտպանության նախարարության տեղեկություններով՝ ինքնաթիռն ընկել է Նովա Պազովա քաղաքի բնակելի թաղամասի վրա: Երջանիկ պատահականության շնորհիվ այլ տուժածներ չկան:

Աղետը տեղի է ունեցել պլանային թռիչք իրականացնելիս:

Կատարվում է հետաքննություն՝ պարզելու կատարվածի մանրամասները: