«Արմավիա» ընկերության սեփականատեր Միխայիլ Բաղդասարովը բանակցություններ է վարում ընկերությունը վաճառելու հարցով. «Առաջին լրատվական»-ի հարցմանն ի պատասխան՝ այս տեղեկությունները հաստատեցին «Արմավիա» ընկերությունում:
Շրջանառվող լուրերը, թե ընկերությունը վաճառվում է «Զվարթնոց» միջազգային օդանավակայանի առջև ընկերության ունեցած ու նաև այլ պարտքերի պատճառով, ընկերությունից հերքեցին՝ ասելով, որ «Զվարթնոցին» ունեցած «Արմավիայի» պարտքի զգալի մասը: Ավելին, նաև նշեցին, որ «Արմավիան» այլ՝ հրատապ վճարման ենթակա պարտքեր չունի, որոնք կարող էին ընկերությունը վաճառելու պատճառ հանդիսանալ:
«Առաջին լրատվական»-ի հարցին՝ հավանական գնորդը հայաստանյա՞ն ընկերություն է, թե՞ արտասահմանյան, ընկերությունից պատասխանեցին, որ «Արմավիան» գնելու ցանկություն ունեն և՛ հայաստանյան, և՛ արտասահմանյան ընկերություններ:
