Թբիլիսիում երկուշաբթի օրը ուսանողների և երիտասարդների կողմից բազմահազարանոց ակցիաների նոր ալիք է սկսվել` բանտերում դատապարտյալների հանդեպ բռնություններ և խոշտանգումներ իրականացրած կազմակերպիչների ու մասնակիցների դեմ, հաղորդում է Interfax-ի թղթակիցը:
Թբիլիսիի պետական համալսարանի գլխավոր մուտքի մոտ հավաքված ուսանողների զանգվածային ցույցի մասնակիցները շարժվել են դեպի Վրաստանի պաշտպանության նախարարության շենք, որտեղ պահանջել են պատասխանատվության ենթարկել նախարար Դմիտրի Շաշկինին, պահանջել են նաև նրա հրաժարականը:
Պաշտպանության նախարարության մոտից ցույցի մասնակիցները շարժվել են դեպի Արդարադատության նախարարություն`որպես համերաշխության նշան այն մի խումբ ուսանողների, ովքեր արդեն երրորդ օրն է այնտեղ հացադուլ են անում՝ պահանջելով պատասխանատվության ենթարկել և օրենքի ողջ խստությամբ պատժել բոլոր նրանց, ովքեր մեղավոր են բանտերում դատապարտվածների նկատմամբ իրականացրած անմարդկային գործողություններում:
Վրացական ԶԼՄ-ների հաղորդմամբ՝ երիտասարդական զանգվածային ակցիաներ են տեղի ունենում նաև Քութայիսիում և Բաթումում:
