Korea JoongAng Daily-ն, որը համարվում է International Herald Tribune թերթի ասոցացված ներկայացուցիչը Կորեայում, հայտնել է, որ Ռուսաստանի վարչապետի կրտսեր դուստրն ամուսնանում է կորեական դեսպանատան նախկին աշխատակցի որդու հետ: Թերթի աղբյուրի համաձայն` ճապոնական հանգստավայրերից մեկում հանգստանալիս ծովակալ Յուն Չեն-Գուն զրույցներից մեկի ժամանակ հայտնել է, որ իր որդին ամուսնանում է Պուտինի դստեր հետ: Ըստ թերթի` հանգստավայր են ժամանել նաեւ ծովակալի որդին եւ նրա հարսնացուն: Ամուսնությունից հետո ՌԴ վարչապետի դուստրն ապրելու եւ աշխատելու է Հարավային Կորեայում: Պուտինը դեմ է եղել այդ ամուսնությանը, սակայն ի վերջո «զիջել է» այս հարցում` նորաթուխ փեսացուի հետ հանդիպումից հետո:
ՌԴ կառավարության մամուլի խոսնակ Վլադիմիր Պեսկովը հերքել է այս տեղեկությունները` հայտնելով, որ կորեական թերթի տեղեկություններն ընդհանրապես չեն համապատասխանում իրականությանը: