Փետրվարի 16-ին գլխավոր դատախազ Աղվան Հովսեփյանի որոշմամբ քրեական գործ է հարուցվել «Հայկական ժամանակ» օրաթերթի գլխավոր խմբագիր Նիկոլ Փաշինյանի այն հայտարարության առնչությամբ, ըստ որի` 2010 թվականի նոյեմբերին «Կոշ» քրեակատարողական հիմնարկում անհայտ անձինք հարձակում են գործել իր վրա և ծեծի ենթարկել: Այս մասին հաղորդում է «Ազատություն» ռ/կ-ը:
Քրեակատարողական հիմնարկը անցած տարի անցկացրած քննության արդյունքում պարզել էր, որ Փաշինյանի հայտարարությունը իրականությանը չի համապատասխանում, որ նրան որևէ մեկը ծեծի չի ենթարկել, և հետևաբար` հրաժարվել էր քրեական գործ հարուցել:
Ստացվում է, որ գլխավոր դատախազը վերացրել է «Կոշ» քրեակատարողական հիմնարկի պետի` քրեական գործի հարուցումը մերժելու մասին որոշումը և որոշում է կայացրել Նիկոլ Փաշինյանի հայտարարության առնչությամբ գործ հարուցել Քրեական օրենսգրքի 118 հոդվածի հատկանիշներով, տվյալ դեպքում` ծեծելը կամ այլ բռնի գործողություններ կատարելը, որը պատժվում է տուգանքով կամ կալանքով` առավելագույնը 2 ամիս ժամկետով:
