Թուրքական Zaman թերթի փոխանցմամբ`Թուրքիայի մշակույթի և զբոսաշրջության նախարար էրթուղրուլ Գյունայը հայտարարել է, որ Թուրքիան երկրի բոլոր շրջաններում վարում է զբոսաշրջության զարգացման քաղաքականություն.
«Չնայած նրան, որ հատկացված ֆինանսավորումը չի բավականացնում բոլոր նախագծերի իրագործմանը` մեր նախարարությունը այդ նպատակով ներգրավում է բարեգործական միջոցներ: Այս տարվա առաջին վեց ամիսներին Թուրքիա է այցելել 12.7 միլիոն օտարերկրացի զբոսաշրջիկ: Դա 2.3 տոկոսով պակաս է` նախորդ տարվա միևնույն ժամանակահատվածի ցուցանիշի համեմատ:
Հունվար-հունիս ամիսներին Թուրքիա այցելած զբոսաշրջիկների թվով առաջատարը Գերմանիան է, որին բաժին է ընկել Թուրքիա այցելած բոլոր զբոսաշրջիկների 15 տոկոսը, այնուհետև` Ռուսաստանը` 11 տոկոս, և Մեծ Բրիտանիան` 7.4 տոկոս: Զբոսաշրջիկների ընդհանուր քանակի 33.2 տոկոսն այցելել է Ստամբուլ, 30.5 տոկոսը` Անթալիա: Մնացյալ զբոսաշրջիկները հիմնականում այցելել են Իզմիր, Բաթման և Ադանա»:
