Արարատի մարզի Արարատ քաղաքում վաղ առավոտից մարդկանց բազմություն էր հավաքվել, որոնք ցանկանում էին հասնել մայրաքաղաք, սակայն դա անհնար էր, քանի որ, ինչպես արդեն տեղեկացրել էինք, Երևան եկող երթուղայինները չեն գործել:
Ոստիկանները բոլոր երթուղայինները կանգնեցրել են և ուղևորներին իջեցրել:
Արարատի ավտոկայանում ավելի քան 40-50 մարդ էր հավաքվել, սակայն նրանց դուրս են հանել ավտոկայանի տարածքից:
«Առաջին լրատվականի» թղթակիցը փորձել է ավտոկայանի դիսպետչերից և վարորդներից տեղեկություններ ստանալ, սակայն վերջիններս հրաժարվել են`ասելով, թե իրենք հրահանգ են կատարում և չեն ուզում զրկվել աշխատանքից։
Ի դեպ, այստեղից ևս ուսանողները չեն կարողացել հասնել մայրաքաղաք:
