Վաղ առավոտից Էջմիածնից Երևան եկող երթուղային տաքսիների և ավտոբուսների վարորդներին արգելել են երթևեկել Երևան, իսկ տաքսիները միայն «ներքին կարգով»` առանց տաքսու նշանի են ուղևորվում մայրաքաղաք: Մեզ հանդիպած երթուղային տաքսիների վարորդները, որ դատարկ կանգնած են Էջմիածնում, վստահ են, որ Երևան ուղևորվելու արգելքների միակ պատճառը ընդդիմության այսօրվա հանրահավաքն է։
Կանգառներում կանգնած մարդիկ ասում են, որ առավոտից նույն վիճակն է, անգամ ուսանողները չեն կարողացել դասի հասնել։ Մեր զրուցակիցները նշում էին, որ այս խոչընդոտները չեն կարող խանգարել ժողովրդին՝ մասնակցելու հանրահավաքին, եթե պետք լինի՝ ոտքով կգան, մարտական են տրամադրված:
