Thomson Reuters գործակալությունը «Գիտելիքների ցանց» ընկերության տեղեկությունների հիման վրա հրապարակել է Շվեդիայի թագավորական գիտությունների ակադեմիայի պատվավոր պարգևի թեկնածուների ամենամյա կանխատեսումները:
Այս տարի պարգևը կարող են ստանալ քվանտային տելեպորտացիայի կամ լուսային ալիքը մինչև հեծանիվի արագությունը դանդաղեցնելու մեթոդի հայտնաբերողները, ենթադրում է գործակալության փորձագետ Դեվիդ Պենդլբերին:
Հաղթոնղների անուները կհրապարակվեն հոկտեմբերին: Չնայած թեկնածուներին գուշակելը դժվար է, սակայն Պենդլբերիին հաջողվել է գուշակել 26 գիտնականի, որոնք վերջին 10 տարիներին արժանացել են մրցանակների, գրում է Reuters-ը:
Փորձագետը կազմել է հինգ գլխավոր անվանակարգերի թեկնածուների ցուցակը`ֆիզիկա, քիմիա, տնտեսագիտություն, ֆիզիոլոգիա և բժշկություն:
Այս տարի Նոբելյան մրցանակը ֆիզիկայի բնագավառում կարող են ստանալ Չարլզ Բենեթը, Ժիլ Բրասարդը և Ուիլյամ Վուտերսը, որոնք ակտիվ մասնակցություն են ունեցել քվանտային տելեպորտացիայի պրակտիկ մեթոդիկայի ստեղծմանը: Տվյալ տեխնոլոգիան թույլ է տալիս ապահովել զանգվածային հեռահաղորդակցման միանգամայն գաղտնի ալիք, ստեղծել նոր գերարագ համակարգիչներ և անգամ «ստեղծել» է քվանտային համացանց:
Բացի այդ՝ մրցանակի են հավակնում նաև օպտոէլեկտրոնիկայի պիոներներից մեկը`բրիտանացի Լի Կենխեմը, գիտնականներ Սթիվեն Հարրիսը և Լենե Հաուն, որոնց հաջողվել է հասնել լուսային իմպուլսների դանդաղեցման նվազագույն արագությանը:
