Մի քանի հարյուր մուսուլմաններ են հավաքվել Թաիլանդում ԱՄՆ դեսպանության մոտ Բանգկոկում՝ բողոքելով «Մուսուլմանների անմեղությունը» ֆիլմի դեմ:
Ինչպես հաղորդում է իրանական Press TV հեռուստաալիքը, ցուցարարների պաստառների վրա գրված է եղել՝ «Մենք սիրում ենք Մուհամմեդին», «Դադարեք վիրավորել մեր կրոնը»:
Հիշեցնենք, որ միայն ֆիլմի անոնսը մի շարք արաբական երկրներում տեղացիների շրջանում առաջացրել էր չափազանց բացասական ռեակցիա: Եգիպտոսում, Հորդանանում, Եմենում, Պակիստանում, Մարոկկոյում ու մերձավորարևելյան այլ երկրներում ամերիկյան դիվանագիտական ներկայացուցչությունների մոտ կազմակերպվեցին բողոքի զանգվածային ակցիաներ, իսկ Լիբիայում ԱՄՆ դեսպանատան շենքի գրոհի ժամանակ սպանվեց դեսպան Քրիս Սթիվենսը:
