Ուգո Չավեսի գլխավոր մրցակից Էնրիկե Կապրիլեսը քննադատել է ներկա նախագահին, ով իրեն թույլ է տվել ընտրողների առաջ ելույթ ունենալիս լաց լինել, գրում է РБК-ն:
Վենեսուելայի առաջնորդը լաց է եղել Սան Ֆերնանդո քաղաքում «Եթե այդ ամենը լիներ իմ իշխանության տակ, ապա ես կիջնեի բեմից և կգնայի զբոսնելու, ինչպես նախկինում: Իմ երազանքը ազատությունն է»,- հայտարարել է նա իր ընտրողներին,
ապա անմիջապես հստակեցրել է, որ նա մտադիր է ազատություն ձեռք բերել այն բանից հետո միայն, երբ բոլոր երզանքներն իրականություն կդառնան:
Ի պատասխան՝ Միրանդա նահանգի նահանգապետ Կապրիլեսը նշել է, որ առաջնորդը պետք է սգա ոչ թե իր, այլ Վենեսուելայի ժողովրդի համար, որը տառապում է հանցագործության աճից և տնտեսական խնդիրներից: «Երեկ կառավարական թեկնածուն լաց է եղել, քանի որ ուզում է ազատ լինել: Իսկ ո՞վ լաց կլինի այն մայրերի համար, որոնք կորցրել են իրենց երեխաներին բռնության պոռթկումներում: Ո՞վ լաց կլինի, երբ բավարար սնունդ չկա, որպեսզի ընտանիքները սնվեն»:
Վենեսուելայում նախագահական ընտրությունները տեղի կունենան հոկտեմբերի 7-ին, որին կմասնակցի 7 թեկնածու: Հիմնական պայքարը կմղվի Չավեսի և Կապրիլեսի միջև:
