Ինչպես հաղորդում է Al-Jazeera-ն, Միացյալ Նահանգների պետքարտուղար Հիլարի Քլինթոնը հայտարարել է, որ ամերիկյան վարչակազմը պատրաստվում է աջակցություն ցուցաբերել լիբիական ընդիմությանը: Ըստ պետքարտուղարի` իրենք արդեն կապեր են հաստատում այն մարդկանց հետ, որոնք պետք է փոխարինեն Քադաֆիին նրա հեռանալուց հետո:
Քլինթոնն այս հայտարարությունն արել է Ժնև մեկնելուց առաջ, որտեղ այլ արտգործնախարարների հետ պատրաստվում է քննարկել Լիբիայի հարցը: Ակտիվացել են նաև ամերիկյան սենատորները` հանրապետական Ջոն Մաքքեյնը և անկախ սենատոր Ջոզեֆ Լիբերմանը, որոնք հայտարարել են, որ արդեն ժամանակն է ճանաչելու Լիբիայի ժամանակավոր կառավարությունը:
