Թուրքիայի վարչապետ Ռեջեփ Թայիփ Էրդողանը չի մասնակցի եվրահանձնաժողովի նախագահ Ժոզե Մանուել Բառոզուի հետ երեքշաբթի օրը ծրագրավորված հանդիպմանը:Այս մասին հաղորդում է Worldbulletin-ը` հղում կատարելով Բառոզուի մամուլի խոսնակին: Խոսնակը հայտարարելէ նաև, որ հանդիպման օրը կորոշվի այս շաբաթվա ընթացքում:
Թուրքիայի վարչապետն այսօր գտնվում է Գերմանիայում, ուր հանդիպում է Գերմանիայի կանցլեր Անգելա Մերկելի հետ: Իսկ նախօրեին Գերմանիայի Դյուսելդորֆ քաղաքում հանդես է եկել 10 հազարից ավելի թուրքերի հետ, որոնք մշտապես բնակվում են Գերմանիայում: «Դուք պետք է ինտեգրվեք, բայց ես դեմ եմ ասիմիլիացիային: Ոչ մեկ չպետք է անտեսի փոքրամասնության շահերը»,- նշել է Էրդողանը: Այս ամսին գրում է The Jerusalem Post-ը:
Գերմանիա թուրքերը սկսել են տեղափոխվել հատկապես 1960-ականներին: Գերմանիա էր մեկնում հիմնականում աշխատուժը: «Վերջին 50 տարվա մեջ մեր մտքերն ու սրտերը միշտ ձեզ հետ են եղել: Մենք զգացել ենք բոլոր տխրություններն ու ուրախությունները, որ դուք ունեցել եք այս երկրում անցած տարների ընթացքում»,- ասել է Էրդողանը:
«Այսօր թուրքերն այլևս հրավիրված աշխատուժ չեն կամ օտարերկրացի, նրանք ինչպես Գերմանիայի, այնպես էլ Թուրքիայի քաղաքացիներ են մայրենի թուրքերենով և սահուն գերմաներենով»,- ավելացրել է նա:
Էրդողանը նաև ավելացրել է, որ Թուրքիայի ներքաղաքական կյանքում նրանց ակտիվ մասնակցությունն ապահովելու համար նրա կառավարությունը պատրաստել է մի շարք փոփոխություններ սահմանադրության և տեղական օրենքների մեջ, որոնք թույլ կտան արտերկրում գտնվող թուրքերին քվերակել համապետական ընտրությունների ժամանակ:
