ԱՄՆ-ն մոբիլիզացրել է ռազմական ուժերը Մերձավոր Արևելքի մի շարք շրջաններում, որպեսզի պատրաստ լինի իր դիվանագիտական անձնակազմին պաշտպանել շարունակվող հակաամերիկյան ելույթներից: Այս մասին այսօր լրագրողներին հայտնել է Պենտագոնի ղեկավար Լեոն Պանետան, ով այցով գտնվում է Ասիայի երկրներում:
ԱՄՆ-ն երկու ականակիր նավ է ուղարկել Լիբիայի ափերի մոտ: Երկու նավերն էլ ունեն Томагавк թևավոր հրթիռներ և կարող են օգտագործվել մարդկանց տարհանման համար: Ավելի վաղ ԱՄՆ-ն Լիբիա էր ուղարկել ծովային հետևակների ստորաբաժանումներ, որպեսզի ուժեղացնեն Բենգազիում գտնվող իրենց դիվանագիտական ներկայացուցչությունը:
Ինչպես հստակեցրել է Պանետան, ԱՄՆ-ն «իր ուժերը տեղակայել է տարածաշրջանի մի շարք շրջաններում, որպեսզի պատրաստ լինեն պատասխանելու ցանկացած իրավիճակի` կապված մեր անձնակազմի և մեր ունեցվածքի պաշտպանության հետ»:
«Կարծում եմ` մեր մոտեցումն այժմ հետևյալն է. չանել ոչինչ, քանի դեռ մեզ չի հրահանգել պետդեպարտամենտը: Մենք պետք է շարունակենք պահպանել աչալրջությունը, քանի դեռ, ամենայն հավանականությամբ, կշարունակվեն ցույցերը առաջիկա մի քանի օրերին, եթե ոչ ավելի շատ»,- ասել է նա:
