Samsung ընկերությունը իր Galaxy S III սմարթֆոնի գովազդում ցուցադրել է Apple ընկերության նորույթը` iPhone5-ը: Այս մասին գրում է Digital Trends հրատարակությունը:
«Պետք չէ հանճար լինել» կարգախոսով համեմատվում են երկու սմարթֆոնների առանձնահատկությունները, ընդ որում` Samsung-ի արտադրանքը համեմատության արդյունքում հաղթում է:
Կարգախոսը խաղարկում է Apple-ի քաղաքականությունը, համաձայն որի` ընկերության խանութներում աշխատող խորհրդատուներն ու App Store-ի վիրտուալ օգնականները «հանճարներ» են:
Հրատարակությունը նշում է, որ Galaxy S III-ի և iPhone 5-ի համեմատությունը միակողմանի է ստացվել: Գովազդը ստեղծողները մոռացել են Apple-ի նոր սարքի այնպիսի առանձնահատկությունները, ինչպիսիք են FaceTime-ը, iCloud-ը, iTunes-ի ինտեգրացումը: Բացի դրանից` Android 4.0 օպերացիոն համակարգը, որով աշխատում է Galaxy-ն, թողարկվել է մեկ տարի առաջ, իսկ iPhone-ում ներդրված iOS 6.0 օպերացիոն պլատֆորմն ամբողջովին նոր է:
Համացանցում հայտնվել են Galaxy S III-ի գովազդի ծաղրական հոլովակները, որոնք հեղինակները Apple-ի երկրպագուներն են:
