Չինաստանում շարունակվում են զանգվածային հակաճապոնական ցույցերը` ուղղված Ճապոնիայի կողմից վիճելի Դյաոյույդաո (Սենկակու) կղզիների յուրացման դեմ: Այս մասին հաղորդում է ИТАР-ТАСС-ը:
Պեկինում ցույցն անցկացվել է Ճապոնիայի դեսպանատան մոտ: Ոստիկանությունն օղակի մեջ է առել այդ շրջանը: Անցորդների երթևեկությունը չի սահմանափակվում, սակայն կից փողոցներում, որտեղ տեղակայված են բազմաթիվ այլ երկրների դիվանագիտական առաքելություններ, տրանսպորտային ենթևեկությունը խաթարվել է: Բռնության դեպքեր դեռևս չեն գրանցվել:
Հազարավոր մարդկանց մասնակցությամբ հակաճապոնական ակցիաներ են անցկացվում նաև Շանհայ, Գունաչժոու, Ցինդաո և Չենդու քաղաքներում: Այսօր Շենչժեն քաղաքում ոստիկանությունը ստիպված է եղել ցուցարարների դեմ արցունքաբեր գազ կիրառել:
Հիշեցնենք` երկու երկրների հարաբերությունները տարածքային վեճի շուրջ սկսվեցին այն բանից հետո, երբ այս շաբաթ Ճապոնիան ազգայնացրեց կղզեխմբի 5 կղզիներից 3-ը` գնելով դրանք մասնավոր սեփականատիրոջից: Կղզիները փոքր են, սակայն ռազմավարական մեծ նշանակություն ունեն:
