Ուկրաինայի վարչապետ Նիկոլայ Ազարովը, ելույթ ունենալով «Յալթայի եվրոպական ռազմավարության» միջազգային ֆորումում, հայտարարել է, որ ռուսական գազի համար Ուկրաինան տարեկան 5 մլրդ դոլար է վճարում, գրում է «Կոմերսանտը»:
«Այդ 5 միլիարդը արգելակում է Ուկրաինայի ենթակառուցվածքային նախագծերի իրագործումը: Որքան օգտակար բան կարելի էր անել երկրում, եթե չվճարեինք այդ գումարները»,- ասել է Ազարովը:
Նշենք, որ Ուկրաինան ավելի քան երկու տարի է՝ փորձում է վերանայել Ռուսաստանի հետ ունեցած գազային համաձայնագրերը՝ գազի գինը խիստ բարձր համարելով:
