Վինսենթ Վան Գոգի հայտնի՝ «Երկնագույն ծաղկամանի ծաղիկները» կտավի ծաղիկներն աստիճանաբար վառ դեղինից վերածվում են շագանակագույնի: Այս կտավը աշխարհահռչակ նկարիչը նկարել է 1887 թ.` իր փարիզյան շրջանի ավարտին: Վան Գոգի մահվանից հետո 20-րդ դարի սկզբին կտավը ձեռք էր բերել Կրելլեր-Մյուլլերի թանագրանը նիդեռլանդական Օտտերլո քաղաքում:
Նատյուրմորտի որոշ հատվածների վրա ռեստավրատորների բացահայտած տարօրինակ նստավածքը թանգարանի աշխատակիցներին ստիպել է դիմել քիմիկոսների օգնությանը: Քիմիկոսների հետազոտության արդյուքնում բացահայատվել է, որ պաշտպանիչ լաքը, որով հետագայում է ծածկվել կտավը, քիմիական ռեակցիայի մեջ է մտել «կիտրոնի» պիգմենտի, կադմիումի սուլֆատի հետ:
«Վան Գոգի փարիզյան շրջանի բազմաթիվ աշխատանքներ սխալ լաքով են ծածկվել և դրա հեռացումը ամենադժվար գործերից մեկն է, որի հետ բախվում են Վան Գոգի աշխատաքների բոլոր ռեստավրատորները ողջ աշխարհում: Քիմիկոսների տրամադրած տեղեկատվությունը կենսական նշանակություն ունի դժվար որոշումներ կայացնելու հարցում, որոնք մենք երբեմն ստիպված ենք լինում ընդունել կտավների մաքրման ժամանակ»,- նշել է Ամստերդամում Վան Գոգի թանգարանի ռեստավրատոր Էլլա Հենդրիկսը:
