Լիբանանի հյուսիսում՝ Տրիպոլի քաղաքում, հարյուրավոր ցուցարարներ այրել են արագ սննդի KFC ամերիկյան ցանցի ռեստորանի շենքը՝ որպես բողոքի նշան Հռոմի պապ Բենեդիկտոս 16-րդի այցելության, ինչպես նաև «Մուսուլմանների անմեղությունը» հակաիսլամական ֆիլմի դեմ: Այս մասին հաղորդում է Reuters-ը՝ վկայակոչելով ականատեսներին: Ըստ որոշ տեղեկությունների՝ ոստիկանության հետ բախումների հետևանքով կա մեկ զոհ, 25 վիրավոր:
Տեղի բնակիչների խոսքերով՝ ցուցարարները բացականչում են՝ «Մենք չենք ցանանում այստեղ տեսնել պապին» և «Ո՛չ իսլամի նկատմամբ վիրավորանքին» կարգախոսներ:
Ժամանելով Լիբանանի մայրաքաղաք՝ Հռոմի պապը հայտարարել է, որ այդ երկիրը, իր կարծիքով, կրոնական հանդուրժողականության վառ օրինակ է տարածաշրջանի համար, որտեղ իրար են հանդիպում աբրահամական երեք կրոնները՝ քրիստոնեությունը, իսլամը և հուդայականությունը:
