Կանայք և տղամարդիկ չեն կարող լինել ընկերներ: Հակառակ սեռի ներկայացուցիչներին միավորում է հակումը, իսկ այնպիսի հարաբերություններ, ինչպիսին ընկերությունն է, ստեղծում է շատ խնդիրներ: Նման տեսակետ են հայտնել ամերիկացի գիտնականները:
Վիսկոնսինի համալսարանում տեղի ունեցած հետազոտությանը մասնակցել է երկու սեռերի 88 մասնակից: Երբ մասնակիցներին խնդրել են թվել հակառակ սեռի հետ ընկերության դրական և բացասական կողմերը, ապա նրանց միայն 32%-ը նման հարաբերությունը գնահատել է որպես կայուն և միայն 6%-ը այն անվանել է օգտակար:
Ընդորում՝ կանայք տղամարդկանցից ավելի հաճախ էին հաղորդում այն մասին, որ միմյանց հանդեպ հակումը դառնում է ընկերության մեծ թերություն: Կանանց 47%-ին ֆիզիկապես գրավում են իրենց ընկերներ-տղամարդիկ, այն դեպքում , երբ տղամարդկանց միայն 22% է նման բան ասել:
Հետազոտության ընթացքում կանանց 38%-ը և տղամարդկանց 25%-ը ասել են, որ խանդի զգացումը հակառակ սեռի ընկերների նկատմամբ նույնքան ուժեղ է, որքան սիրային հարաբերություններում:
Ե’վ կանայք, և’ տղամարդիկ հաղորդել են, որ իրենց ընկերների հանդեպ հակում են զգում միևնույն մակարդակի վրա` անկախ նրանից ունեն ռոմանտիկ հարաբերություններ այլ անձնավորության հետ, թե ոչ:
