2008թ. ԱՄՆ-ի բանկային ոլորտում խնդիրներն ու դրան հաջորդած ֆինանսական ճգնաժամը ԱՄՆ-ին արժեցել է 12,8 տրլն դոլար: Այս մասին նշված է Better Markets ոչ առևտրային կազմակերպության հետազոտության մեջ, որը հանդես է գալիս ֆինանսական բարեփոխումների անցկացման ու ֆինանսական ոլորտի նորմատիվային կարգավորման խստացման օգտին:
Համաձայն հետազոտության արդյունքների՝ ԱՄՆ-ում ընտանիքի միջին եկամուտը 2007-2010թթ. կրճատվել է 40%-ով: Քաղաքացիների եկամուտների ընդհանուր ծավալը 2009թ. հունվարին նվազել է 55 տրլն դոլարով՝ համեմատած 2007թ. հուլիսի 74 տրլն դոլարի հետ:
Ճգնաժամը հանգեցրել է նրան, որ 2010թ. աղքատության շեմին ապրող մարդկանց թիվը հասել է 50 տարվա առավելագույն ցուցանիշին ՝ 46.2 մլն քաղաքացի: Դա նշանակում է, որ 9.3 մլն ամերիկացի զրկված են եղել բժշկական ապահովագրությունից, իսկ ավելի քան 46 մլն մարդ կամ ԱՄՆ-ի բնակչության 15%-ը ներկայում օգտվում են սննդի կտրոններից, որոնց թիվը 13 մլն-ով աճել է 2009թ. համեմատ:
